Gisa

 

Gisa shingiro ry’inTwari
Ko ariwe shema y’abatabazi
Inkeramihigo ihorana ibanze
Turate ya ndahira guhunga.

Ingabe yacu yacyuye inganji
Ngabo itaganira yatashye i Rwanda
Yaducyuye mu rwatubyaye
Twamwitura iki uwa Ruvusha.

Bana b’u Rwanda tumuhe impundu
Wa muvunyi utari gito yaje
Kubahoza yaje
Yazanye amahoro n’ubumwe yaje yaje
Ngo agwize urunkundo
Mu bana b’u Rwanda
Mwirira yaje kubahoza yaje.

Abamuzi bazira inenge
Abatamuzi muzamubwirwa
Muzabaze umushirabwoba
Wa mushumba uragiye inyambo.

Turikane mucyo ubasumba
Rudakemwa turamukeza
Nta makenga yo kumurata
N’uburanga arabahebuje.

Bana b’u Rwanda tumuhe impundu
Wa muvunyi utari gito yaje
Kubahoza yaje
Yazanye amahoro n’ubumwe yaje yaje
Ngo agwize urunkundo
Mu bana b’u Rwanda
Mwirira yaje kubahoza yaje.

Intare batinya azamubabwira
Agatsinda n’umutoni wa cyane
Umudacogora ku rugamba
Ntajya ashirwa, adacyuye inganji.

Dore icyo nkundira uwa Ruvusha
Ategeka ababisha ataBatwara
Yaduciye kw’izina impuzi
Arashaka ituze mu barutuye.

Bana b’u Rwanda tumuhe impundu
Wa muvunyi utari gito yaje
Kubahoza yaje
Yazanye amahoro n’ubumwe yaje yaje
Ngo agwize urunkundo
Mu bana b’u Rwanda
Mwirira yaje kubahoza yaje.

Yahabuye abaheze ishyanga
Yahumurije abari mu Rwanda
Yanze inzangano z’uturere
Yaciye iteka rikwira u Rwanda

Bana b’u Rwanda tumuhe impundu
Wa muvunyi utari gito yaje
Kubahoza yaje
Yazanye amahoro n’ubumwe yaje yaje
Ngo agwize urunkundo
Mu bana b’u Rwanda
Mwirira yaje kubahoza yaje.

 

Tous droits réservés J.M. Muyango